114
Месяц ноябрь
смиреннаго сердцем войстинну Владыки Христа и
Бога./ Того моли, блаженне,/ ущедрити мир/ и
спасти и просветйти души наша.
Стих: Блажен муж, бояйся Господа,/ в запове-
дех Его восхощет зело.
Возлюби чистая душа твоя, блаженне Ионо,/
чистоту Божественных чиститель, / йже верх учи-
тельства, и правило добродетелей,/ и естества
украшение,/ войстинну Небесй изъявление*,/
иерархом начала:/ Божественнаго Николая и
Велйкаго Василия,/ Богослова Григория, Злато-
устаго же Иоанна,/ йхже священныя храмы воз-
двйгл еси,/ яко войстинну во дворы их желая
вселйтися,/ иже во свете присносущныя радости/
Живота вечнаго, Началопастыря Христа./ Того с
ними, иерарше, не престай моля/ умирйти мир и
спасти души наша.
Слава, глас 6:
Преподобие, блаженне, архиерею священне
Ионо,/ кротость и незлобие твое удивйша князи
благочестйвыя, / и войстинну от души возлюбйша
тя:/ ради бо добродетелей исправления/ обрел еси
благодать от Бога./ Темже и князи почтоша тя,/
молитв твоих и благословения требующе, / присно
благопослушны бываху преподобию твоему,/ и
люди твоя незлобием снабдевающе./ Но и ныне
людем твоим предстоя буди, / и благопоспешение
даруй молитвами твоими, / и душам нашим велию
милость.
И ныне, Богородичен: Творец и Избавитель:
На благословении хлебов.
Тропарь святаго, глас 4:
И справление веры, и образ кротости,/ и якоже
сад посреде рая, / преподобными делы твоими
мир просвещавши,/ и сего ради к мощем твоим
любовию прикасаемся и верно вопием: / предстани
в помощь воспевающим память твою светоносную,
отче Ионо,/ и моли спастйся душам нашим.
Дважды.
И Богородице Дево, радуйся: единожды.
* изъявление≈указание, показание